Mogall mhojea Xelliano,
Novembracho mhoino amkam apoita, matso visov gheunk, ugddass korunk, magnnem bhettounk ani amcho bhorvanso jivall korunk.
Ami survat kortanam, ho povitr mhoino sogllea Santam-bhoktancho ani Mel’leancho dis monoitanv. Amche Sant-bhokt amkam prernna ditat ani ami tanche lagin magtanv, moron ghel’leank sorginchem sukh. Amcho Kristanv bhavarth xikoita, moronn xevott nhoi. Punn bhorvanso amchea Jezucher dovrun, moron ghel’lim punorjivont zatelim.
Dor ek kuttumbache vangddi, tancheo moladik iadi, mogacheancho ugddass korun amchim kallzam roddttat. Tanchi zannvai, mogachi seva ani adhar, amchem jivit khuxal kortat. Zorui Tanchem asnnem disona, torui tancheo mogacheo kornneo nirontorim uloitat. Ami Tancho ugddass kortanam, fulanch ghalun nhoi, punn magnnem korun ani Missache bhettent vantto gheun, bhogsonnem magun ani diun Tannim boro kelolo vaur chalu dovrum-ia.
Read more