“Mhoje Sovem Rigun Ravat” — Jn. 15:4
Apurbaiechea mhojea xelliano,
Otumbracho mhoino, Ruzai Saibinnik bhettoilolo mhoino, teach borobor Missanvachea vaurak bhetoilolo mhoino.
Ters amkam Marie sangata cholonk ani Jezuchem jivit niahllunk apoita.
Pap Saib Leo Kristanv porjek Ters korunk ani xanti passot magunk ulo korta.
Hea Otumbrachea mhoineant amchi Firgoz magnneachi Somudai, ekvottachi somudai zaunk ani Devachem Missanv jieunk apoita. Tor amchea kuttumbant Tersachem magnnem ami sangata korum-ia. Zo kuttumbh magnnem korta, Tho eka-mekak bhogxita, somzota ani mogan jieta.
Ek ek kristanv zaun asa Missionar. Hea Vorsa Sonvsarbhor Missanvacho dis 18ver Otumbrache 2026, monoitat. Hancho vixoi asa:
‘Kristant ek zaun ekvottan Missanv jieum-ia’
Bhag. Theresa Askarinn Missanvanchi, amche firgojent ani kuttumbant Jezucho mog vanttunk ani Jezu sovem soglleank ieunk amkam Amontronn korta.
Amchem Missanv amchea kuttumbant, Firgojent ani Sezariank vanttum-ia. Ek hamurko hanso adharacho hat, bhogsonnem, Ek bhett eksureank, Ek utor ut’tejon diun Jezu Somiak dusreank vanttum-ia.
Amchi Maim ghora ghoranim bhettek ieta tednam tika ieukar diunk Missant vantto gheumia, kumsar zaun ekvottachem ani bhogsonneachem jivit jieum-ia.
Devan tumcher axirvad ghalum!
Tumche Sevek,
Fr. Ubaldo Fernandes
Padri – Vigar